عندي شغف كبير للسفر والمغامرات
سافرت اكثر من 30 دولة حول العالم

غلطت، تعلمت واكتسبت خبره كبيرة بالسفر.
كل سفرة كانت تجربة ودرس الي، وكل بلد علّمني اشي جديد.
بنساش لما كنا انا وعائلتي بإيطاليا، رحنا على مكان شفته بالانستجرام وجوجل وكان شكله "واو"، بس لما وصلنا انصدمنا. ما كان اله علاقة باللي شفناه اونلاين😔!
ومن هون اجتني الفكرة، ليش ما اشارك تجاربي بالسفر! وأساعد الناس يسافروا عن وعي وما يعيدوا غلطاتي وغلطات ناس كثيرة؟

كل مكان زرته بحياتي علّمني اشي جديد عن الحياه وعن نفسي.

بالنسبة الي السفر غذاء للروح. هو مدرسة بتعلمنا تجارب الحياه، وبتشكّل شخصيتنا، وبتفتح عقولنا على ثقافات، ناس مختلفة وأفكار ما كنا نعرفها.

كل برنامج هون، عملته بإيدي وإخترته بعناية وجربته بنفسي❤️
وطبعا بدون إعلانات.